தமிழைச் சிதைக்கும் புதர்களைக் களை எடுப்போம் !! (Google Report Offensive Content))

கூகிளின் சிறப்பே அது பல மொழிகளையும் கற்று வரும் தேடல் களம் என்பது தான். ஆனால், எல்லா மொழிகளையும் அதனால் முழுமையாகக் கற்க முடியவில்லை. மனிதர்களாகிய நமக்கே கடினமாக இருக்கும் போது, கணிணி எந்த பட்சம்?

அதனாலோ என்னவோ, சில மானிடப் பதர்கள்  அதனைச் சற்று ஏமாற்றி தங்கள் தேவையைப் பூர்த்தி செய்து கொள்கிறார்கள்.

நீங்கள் பாதுகாக்கப்பட்ட தேடலைத் (SafeSearch Filtering) துவங்கிய பிறகும், சில தகாத வலைத்தளங்களை தேடலில் காண வாய்ப்பு உண்டு..

சில உதாரணங்கள்:

• தமிழ் என்று தேடிப் பாருங்கள்... முதலில் வரும் பதில் உங்களைத் திகைக்க வைக்கும்.
• தமிழ் மொழியின் உறவுகள் பெயரைத்  தேடிப் பாருங்கள். கிடைக்கும் பதில்கள் உங்களை முகம் சுளிக்க வைக்கும்

 மேலே கூறப்பட்ட செய்திகள் Moderate Filter மட்டும் அல்ல.. Strict Filter முறையிலும் வரும் என்பது தான் சோகமான செய்தி!!

பதில்களில் வரும் 'அது' போன்ற வலைத்தளங்கள் மிக வில்லத்தனமானவை.. அவற்றை எழுதி பிறரைக் குறி வைப்பவர்கள் மனிதர்களாக வாழவே லாயக்கு அற்றவர்கள்.


சில குறிசொற்களைக் கொண்டு வடிப்பானை (Filter) ஏமாற்றி வந்து விடுகிறன...

இவற்றைக் குழந்தைகள் காண நேர்ந்தால் என்ன ஆகும்?

எழுதும் பதர்கள் ஏனோ இவற்றைப் பற்றி யோசிப்பதில்லை. பின்னே, யோசித்தால் அவர்களின் பிழைப்பு என்னாவது?

இது தொடர்பான எனது பதிவு:  அம்மாவுக்கு நேர்ந்த கொடுமை

அந்த வகையான தளங்களை பின்னுக்கு தள்ளி, நல்ல தகவல்களை முன்னெடுக்கும் பொருட்டு எழுதியவை கீழே உள்ள இரண்டும். 

• தமிழ்
• தமிழ் தமிழ் தமிழ் - எங்கும் தமிழ் எதிலும் தமிழ்

தமிழ் மொழிக்கு இழுக்கைத் தரும், தமிழர் பண்பாட்டைச் சிதைக்கும் இது போன்ற தளங்களைத் தேடலில் இருந்து  நாம் களைய வேண்டாமா????

அவற்றைப் புறந்தள்ள வேண்டாமா?

 கீழ்காணும் பக்கத்திற்குச் செல்லுங்கள்:

https://www.google.com/webmasters/tools/safesearch

குறிப்பிட்ட வலைத்தள முகவரியை உள்ளிட்டு, "Report Content" என்பதனைச் சுட்டுங்கள்.

இதனை ஒருவராக மட்டும் செய்தால் பெரிய பலன் இருக்காது. ஆனால், "எறும்பு ஊரக் கல்லும் தேயும்" என்பது போல, பலரும் சேர்ந்து செய்தால் அது போன்ற தளங்களைத் தேடலில் இருந்து தவிர்க்கலாம்..

தமிழர்கள் அனைவரும் ஒன்று சேர்வோம்.. புதர்களைக் களை எடுப்போம்!!

பதிவர்கள் அனைவரும் "தமிழ்", "அம்மா" ஆகிய இரு தலைப்புகளிலும் குறைந்த பட்சம் ஒரு பதிவாவது எழுதுங்கள். இயன்றவரை இவற்றை மையப்படுத்தி எழுதுங்கள்.. குறைந்தபட்சம் இவ்விரு சொற்களையாவது சிதைவில் இருந்து காப்போம்!!

கற்போம் தளத்தில் வெளியான கூகிள் தேடலில் (Google Search) விரும்பத்தகாத தளங்களை தவிர்ப்பது எப்படி? என்கிற எனது பதிவின் ஒரு பகுதி.