அம்மா - 50 வது பதிவு

அன்பு நண்பர்களே,


எனது பிறந்த நாளான 13 ஜூலை 2011 அன்று இந்த வலைப்பூவினைத் துவங்கினேன்.  ஏதோ ஓர் ஆர்வத்தில் துவங்கிய எனது வலைப்பூவில் இதோ எனது ஐம்பதாம் பதிவினை (50*) எழுதும் பொன்னான தருணம் வந்துவிட்டது.

 எனது பணிசூழல் காரணமாகவும், தமிழக மின்சூழல் காரணமாகவும் அடிக்கடி  பதிவு எழுதுவதற்கு விடுப்பு எடுக்க வேண்டி வந்தது. எப்போதாவது எழுதும் எனக்கு பல பதிவர்கள் ஆக்கமும், ஊக்கமும் கொடுத்தனர்.

வலைப்பூக்களைத் தொடுத்து உருவாக்கப்பட்ட வலைச்சரத்தில் எனது மூன்று பதிவுகள்  இடம்பெற்றுள்ளன.

• கடவுளே!  - அறிமுகம் செய்தவர்: சகோதரி 'குட்டி சுவர்க்கம்' ஆமினா [ வித்தியாசமாய் ]
• பயணச்சீட்டால் பயங்கர பல்பு வாங்கிய பிரபல பதிவர்  - அறிமுகம் செய்தவர்: நண்பர் வீடு சுரேஷ்  குமார் [ பதிவுலகில் விழிப்புணர்வு! ]
• வண்ணங்களும் பெண்களும்  - அறிமுகம் செய்தவர்: கீதமஞ்சரி அக்கா [ ஆசை அன்பு இழைகளினாலே... ]

 எனது தானியக்க வங்கி இயந்திரத்தில் திருடர்களை தவிர்ப்பது எப்படி? பதிவினைப் பாராட்டி நண்பர் 'வீடு சுரேஷ்  குமார்' அவர்கள் எனக்கு லிப்ஸ்டர் பிளாக் (Liebster Blog) என்கிற விருதினை அளித்தார். அவருக்கு எனது மனமார்ந்த நன்றிகள்.

இவற்றை எனது எழுத்திற்குக் கிடைத்த அங்கீகாரமாக எடுத்துக் கொள்கிறேன்.  இவையே ஊக்கம் கொடுத்து மேலும் மேலும் என்னை எழுதத் தூண்டுகிறன. 


தொடர்ந்து எனக்கு ஆதரவும், ஊக்கமும் கொடுக்கும் அனைத்து நண்பர்களுக்கும் எனது நெஞ்சார்ந்த நன்றிகள்.

வலைப்பூ துவங்கும் போது, வலைப்பூவிற்கு என்ன பெயர் வைக்கலாம் என்று யோசித்து கொண்டிருந்த போது,  எனது மனதில் பல பெயர்கள் தோன்றின.

 எனது அம்மா சொன்ன பெயரான "அவிழ்மடல்" என்னும் பெயர் தான் எனது  வலைப்பூவில் நீங்காமல் நின்று விட்டது.
.......................................................................................................................................................................................................
பூமிக்கு வரும் முன் ஒரு குழந்தை இறைவனிடம் கேட்டது: "நாளை நான் பூமிக்குச் செல்ல வேண்டும் என்று சொல்கிறீர்கள். ஆனால், நான் அங்கு எப்படி வாழ்வேன்?"

"உன் வருகைக்காக அங்கு ஒரு தேவதை காத்துக் கொண்டிருப்பாள். அவள் உன்னை நன்றாக பார்த்துக் கொள்வார்" என்றார் கடவுள்.

"என்னை யார் காப்பாற்றுவார்?" என்றது குழந்தை.

"அந்த தேவதை எப்போதும் உன்னைக் காத்துக் கொண்டு இருப்பாள். தனது உயிரை விட மேலாக உன்னை கருதுவாள்" என்றார் கடவுள்.

"தேவலோகத்தில் இருந்த மகிழ்ச்சி அங்கு எப்படி கிடைக்கும்?" என்றது குழந்தை.

"உன் தேவதை உனக்காக பாடுவாள். அவள் அன்பின் கதகதப்பினால் நீ மிகவும் மகிழ்ச்சியாக இருப்பாய்"  என்றார் கடவுள்.

"ஆனால், பூமியில் உள்ள மொழி எனக்குத் தெரியாதே?" என்றது குழந்தை.

"கவலை வேண்டாம். உன் தேவதை உன்னிடம் அழகிய, இனிய சொற்களால் பேசுவாள். மிக்க அன்புடனும், கனிவுடனும், பொறுமையுடனும் உனக்கு அவர்களது மொழியைக் கற்று தருவாள்" என்றது குழந்தை.

"அப்படியா! எனது தேவதையின் பெயரைச் சொல்லுங்களேன்.. ஆசையாக இருக்கிறது" என்றது குழந்தை.

"நீ அவளை 'அம்மா' என்று அழைப்பாய்" என்றார் கடவுள்.

கடவுள் காட்டிய தேவதையான எனது அம்மாவிற்கு இந்த பதிவினைஅர்ப்பணிக்கிறேன்!!!!!!